ເວັບໄຊທາງການ
ກະຊວງແຜນການ ແລະ ການລົງທຶນ
ກົມສົ່ງເສີມການລົງທຶນ
ລົງທຶນໃສ່ອານາຄົດ, ລົງທຶນໃສ່ລາວ

        English      |      ລາວ


ຍົກລະດັບການຮ່ວມມື ດ້ານການລົງທຶນ ລະຫວ່າງລາວ - ເກົາຫຼີ

ລາວ ແລະ ເກົາຫຼີ ໄດ້ຈັດກອງປະຊຸມຮ່ວມມື ພັດທະນາລາວ - ເກົາຫຼີປິ 2012 ເພື່ອສົ່ງເສີມການລົງທຶນ ລະຫວ່າງ ສອງປະເທດ ໃນວັນທີ 13 ທັນວາ 2012.

ກອງປະຊຸມດັ່ງກ່າວ ເປັນເຈົ້າພາບໂດຍ ອົງການການຄ້າ - ລົງທຶນເກົາຫຼີ ແລະ ກະຊວງຄວາມຮູ້ ແລະ ເສດຖະກິດ (ສາທາລະນະ ລັດເກົາຫຼີ) ໂດຍຮ່ວມກັບ ກະຊວງແຜນການ ແລະ ການລົງທຶນ (ສປປ ລາວ).

 

ກອງປະຊຸມເຄີ່ງມື້ ດັ່ງກ່າວແມ່ນ ໄດ້ປຶກສາຫາລື ໃນຫົວຂໍ້ທີ່ຕິດພັນ ກັບການຮ່ວມມື ທາງດ້ານເສດຖະກິດ - ສັງຄົມ ລະຫວ່າງປະເທດ ລາວ - ເກົາຫຼີ ເຊິ່ງລົງເລີກ ໃນການປັບປຸງ ສະພາບແວດລ້ອມ ການດຳເນີນທຸລະກິດ ເພື່ອສ້າງຄວາມແຂ່ງຂັນ ຂອງປະເທດລາວ ແລະ ທັງເປັນການດຶງດູດ ພາກເອກະຊົນເກົາຫຼີ ເຂົ້າມາດຳເນີນທຸລະກິດ ຢູ່ໃນຂະແໜງຕົ້ນຕໍ ຂອງລາວເຊັ່ນ ສິ້ນສ່ວນເຄື່ອງໄຟຟ້າ, ອຸດສາຫະກຳປຸງແຕ່ງ, ສວນປອດສານພິດ, ການສຶກສາ ແລະ ສາທາລະນະສຸກ.

ທ່ານ ສົມຈິດ ອີນທະມິດ, ລັດຖະມົນຕີຊ່ວຍ ກະຊວງແຜນການ ແລະ ການລົງທຶນ ໄດ້ກ່າວເປິດກອງຊຸມດັ່ງກ່າວ ທີ່ໂຮງແຮມ ລາວພລາຊາ.

ທ່ານ ສົມຈິດ ກ່າວວ່າ "ລາວ - ເກົາຫຼີ ໄດ້ສ້າງການພົວພັນ ອັນໃກ້ຊິດ ແລະ ສອງປະເທດ ໄດ້ມີຢ້ຽມຢາມກັນເລື້ອຍໆ. ໃນເດືອນ ມິຖຸນາ 2012, ທ່ານ ນາຍົກລັດຖະມົນລາວ ໄດ້ເດີນທາງຢ້ຽມຢາມ ເມືອງຫຼວງເຊອຸນ ເພື່ອສົ່ງເສີມການລົງທຶນ ແລະ ເປັນທີ່ຕອບຮັບເປັນຢ່າງດີ ຈາກພາກທຸລະກິດເກົາຫຼີ"

ທ່ານ ສົມຈິດ ໄດ້ກ່າວຕື່ມວ່າ ເພິ່ນຫວັງວ່າ ພາກທຸລະກິດ ຂອງທັງສອງປະເທດ ຈະໃຊ້ປະໂຫຍດ ຈາກເວທີແຫ່ງນີ້ ແລະ ພາກລັດຖະບານລາວ ຈະສືບຕໍ່ ສ້າງຄວາມການຮ່ວມມື ທີ່ສ້າງສັນ ລະຫວ່າງກະຊວງແຜນການ ແລະ ການລົງທຶນ ແລະ ສູນການຄ້າ - ລົງທຶນເກົາຫຼີ.

ທ່ານ ສົມຈິດ ໄດ້ສະແດງຄວາມຂອບໃຈ ມາຍັງອົງການການຄ້າ - ການລົງທຶນເກົາຫຼີ ແລະ ກະຊວງຄວາມຮູ້ ແລະ ເສດຖະກິດ ຂອງເກົາຫຼີ ທີ່ໄດ້ໃຫ້ການສະໜັບສະໜູນ ແລະ ຮ່ວມມືລະຫວ່າງ ສອງປະເທດ.

ທ່ານ Kim Chang-Gyu, ຜູ້ອຳນວຍການ ຂອງກະຊວງຄວາມຮູ້ ແລະ ເສດຖະກິດ ກ່າວວ່າ: "ປະເທດລາວ ໄດ້ເປີດກວ້າງການພົວພັນ ເສດຖະກິດໃນ 2-3 ທົດສະຫວັດ ທີ່ຜ່ານມາ, ແຕ່ປະເທດລາວ ໄດ້ສະແດງເຖິງ ຄວາມອາດສາມາດ ໃນການຈັດກອງປະຊຸມ ອາເຊັມ ໃນທ້າຍເດືອນ ພະຈິກປິ 2012 ແລະ ການເຂົ້າເປັນສະມາຊິກ ຂອງອົງການ ການຄ້າໃນປີ 2013, ພ້ອມນັ້ນ ໄດ້ມີການປັບປຸງ ກົດໝາຍຫຼາຍສະບັບ ເພື່ອສ້າງແວດລ້ອມ ການລົງທຶນທີ່ດີ"

ທ່ານ Bae Chang-Heon, ຮອງປະທານ ອົງການການຄ້າ - ລົງທຶນເກົາຫຼີ ໄດ້ເວົ້າວ່າ: "ປະເທດລາວ ໄດ້ຖືເອົາເກົາຫຼີ ເປັນເປົ້າໝາຍ ຂອງແຫ່ຼງທຶນ ຂອງການລົງທຶນ. ໃນເດືອນ ມິຖຸນາ 2012, ທ່ານນາຍົກ ລັດຖະມົນຕີຂອງລາວ ແລະ ຄະນະ ຈຳນວນ 60 ກວ່າທ່ານ ຈາກພາກລັດ ແລະ ເອກະຊົນ ໄດ້ເຂົ້າຮ່ວມກອງປະຊຸມ ສຳມະນາການສົ່ງເສີມ ການລົງທຶນ ທີ່ຫ້ອງການໃຫຍ່ ຂອງສູນການຄ້າ - ລົງທຶນ ຂອງເກົາຫຼິ ທີ່ນະຄອນຫຼວງ ເຊອຸນ. ໃນເດືອນ ທັນວາ ປີດຽວກັນ, ສູນການຄ້າ - ລົງທຶນເກົາຫຼີ ໄດ້ນຳພານັກທຸລະກິດເກົາຫຼີ 18 ທ່ານ ມານະຄອນຫຼວງວຽງຈັນ ເພື່ອຊອກຫາ ກາລະໂອກາດ ການລົງທຶນ ແລະ ຂະຫຍາຍທຸລະກິດ ຂອງພວກເຂົາ"

ກອງປະຊຸມດັ່ງກ່າວ ປະກອບມີການນຳສະເໜີ ນະໂຍບາຍການສົ່ງເສີມ ການລົງທຶນຢູ່ລາວ ຂອງກະຊວງແຜນການ ແລະ ການລົງທຶນ, ລະບຽບ ແລະ ກົດລະບຽບ ຂອງການລົງທຶນ ທະບຽນວີສາກະກິດ ໂດຍກະຊວງອຸດສາຫະກຳ ແລະ ການຄ້າ, ການພັດທະນາ ອຸດສາຫະກຳ ຂອງເກົາຫຼີ, ການຊ່ວຍເຫຼືອ ເພື່ອການພັດທະນາ ຂອງອົງການ KOICA, ໂຄງການໄຟຟ້າລາວ - ເກົາຫຼີ ແລະ ອົງການສົ່ງເສີມ ອຸດສາຫະກຳ IT.

.

ພາລະກິດ ການເຄື່ອນໄຫວ ຂອງອົງການ KOTRA ລະຫວ່າງ ວັນທີ 12-15 ທັນວາ 2012, ນອກຈາກ ກອງປະຊຸມຂ້າງເທິງ ຄະນະຜູ້ແທນເກົາຫຼີ ໄດ້ເຂົ້າຄຳນັບ ທ່ານນາຍົກລັດຖະມົນຕີ ແລະ ທ່ານລັດຖະມົນຕີ ວ່າການກະຊວງແຜນການ ແລະ ການລົງທຶນ ໃນຕອນບ້ານ ຂອງວັນທີ 13 ທັນວາ 2012.

ອົງການ KOTRA ໄດ້ຮັບການສ້າງຂຶ້ນໃນປິ 1962 ໃນຖານະເປັນອົງການ ສົງເສີມການຄ້າແຫ່ງຊາດ. ຈາກນັ້ນມາ, ອົງການດັ່ງກ່າວ ແມ່ນໄດ້ຊ່ວຍໜູນ ການພັດທະນາ ເສດຖະກິດ ການສົ່ງອອກ ຢ່າງໄວວາໂດຍຜ່ານ ກິດຈະກຳສົ່ງເສີມ ການຄ້າເຊັ່ນ ການສຳຫຼວດຕະຫຼາດ ຕ່າງປະເທດ ແລະ ການຈັບຄູ່ທຸລະກິດ. ໃນເດືອນ ສິງຫາ 1995, ການສົ່ງເສີມ ການລົງທຶນ ຢູ່ຕ່າງປະເທດ ແລະ
ການສະໜັບສະໜູນ ການຮ່ວມມຶ ທາງດ້ານອຸດສາຫະກຳ ແລະ ວິທະຍາສາດ ໄດ້ບັນຈຸເຂົ້າ ໃນພາລະບົດບາດ ຂອງອົງການ ແລະ ໄດ້ປຸ່ຽນຊື່ມາເປັນ ອົງການສົ່ງເສີມການຄ້າ - ການລົງທຶນ. ເພືີ່ອເປັນການເຮັດໃຫ້ ການຈັດຕັ້ງພາລະກິດ ຢ່າງມີປະສີດທິພາບ, ອົງການ KOTRA ໄດ້ເປີດສູນການຄ້າເກົາຫຼີ ໃນຂອບເຂດທົ່ວໂລກ. ມາຮອດປິ 2012 ອົງການ KOTRA ໄດ້ເປີດສູນການຄ້າເກົາຫຼີ ຈຳນວນ 113 ສູນ ໃນ 78 ປະເທດທົ່ວໂລກ ແລະມີ 13 ຫ້ອງການ ຢູ່ປະເທດເກົາຫຼີ. ອົງ KOTRA ແມ່ນໄດ້ສ້າງ ຫ້ອງການຢູ່ນະຄອນຫຼວງວຽງຈັນ ໃນເດືອນ ທັນວາ 2010.

 

Submit to FacebookSubmit to Google Plus
279287
ປັບປຸງລ່າສຸດ: 04 July 2017.